WAPKA KAIHHRUAINA

A hmasain, Wapka-a wapsite nei tur chuan account i siam a ngai phawt a. WAPKA ah hian in Register la, registration i tih zawh hnuah i account-a Login-ah khan i lut leh anga, Admin mode kha i site i control-na tur chu a ni a... I luh hmain Setting-ah khan i kal hmasa phawt dawn nia. Setting-ah khan Menu hrang hrang a lo lang teuh anga, hengte hi i hmu ang: Login security options: ℑ - Enable Browser verification (set) ℑ - Allow fast access to edit functions ℑ - Enable PREMIUM program ℑ - allow automatic login Enable Browser Verification: Hei hi midangin i site an khawih buai lohna tura venna(Security) a ni ber a. I browser hman lai nilo browser dang i hman chuan Pin code fill up na tur box a rawn lang ziah ang. A awmzia chu mi tuten emaw automatic login hmanga i account-a an lut tur venna emaw i account/Password an lo hre palh anih pawh in Pin Code (I Email-a i dawn) hmang lo chuan an lut thei dawn lo a ni. Allow Fast Access to Edit Functions: Wapka-a i site edit function, Pop Up system a set-na a ni a. I site 'Admin Mode'-a i luh khan a phek hnuai berah Edit Site: tih a awm a, kha kha i site i Control Panel a ni a. Picture, Video, Mp3, leh thildang zawng zawng i thununna hmun a ni. Allow Fast Access to Edit Function hi i tick chuan i site chung berah khan Pop up system in a rawn awm ang a, hemi hi a awlsamin, a khawih a tinuam hle a ni. A hnuai a mi hi Pop up system entirna a ni e. Enable Premium Program: Wapka a account i hawn rual khan a thlawnin Memory 200Mb i nei nghal a. File pawh 2mb thleng i Upload thei a ni. Hemi hi i set chuan i site-a disk space/total Memory kha a lêtin , 400mb in a pung dawn a, file pakhat i upload theih zah pawh 4mb a ni nghal ang. Hemi i set rual hian i site phek tinah khan Wapka advertisment a rawn awm nghal bawk ang. New Page: Folder siamna a ni mai a. Kan file te category hrang hrang a then nan hman a ni. Entirnan, Article, Pictures, Mp3, Fiamthu etc, te hi awmze nei taka thliar hran na tur a folder/page siam nan a tangkai a ni. Page thar i siam dawn chuan New page hi i select ang a, 'Add' button kha i Click leh ang a, page thar i siam hming kha i chhu lut leh dawn nia. New Links: Link thar siamna a ni. I link siam kha text aiah picture pawh i hmang thei ang. Text: Thuziak, article leh thildang chhut luhna tura siam a ni. Picture: Photo, Picture i upload duh chuan hemi hi select la, 'Add' button ah i click leh dawn nia. 'Upload Pictures' ah i lut leh ang a, tichuan upload-na tur box a rawn lang ang. A ruala thlalak 10 i upload duh chuan ahnuaia 'Upload more picture at onces' kha click leh la upload-na tur phek a rawn lang nghal ang. Kan duh dan a zirin thlalak te hi 80pix atanga 320pix thlengin kan siam danglam thei a; Icon anga i siam duh anih pawhin 10x10pix-100x100pix thlengin a siam theih bawk Counter: Site-a i luh zat(engzat atam nge i luh) tih record-na a ni a, i site-ah i dah thei a ni. I luh tawh zat kha alo record zela, electric meter ang deuhin a kal chho ve zel a ni. Forum: Thu leh hla, zawhna, rawtna, ngenna, comment-na hmun a nia, heta tang hian midangin i site chanchin leh thil dang dang ah thuziak an rawn post thei a ni. Chat: Forum ang tho a ni a, i site rawn tlawh tute nen thu leh hla in share tawnna atana siam a ni. Survey: Hemi hi Opinion poll siam nan a pawimawh em em a, i site chanchin emaw thildang dangah midang ngaihdan lakna atan atangkai a ni. Onl-ine Counter: Hemi hi a pawimawh em em a; i site rawn tlawh tute, engzata tam nge nih tih tarlanna a ni. Code hmangin i duh dan danin Counter hi i design thei bawk. Advertisment(Adv): Midang hnena thu leh hla etc, tlangzarhna hmun a ni a, atangkai khawp mai. Searching: I site chhunga file awm te awlsam taka zawn chhuahna atan search box dahna tur a ni. Mail form: E-mail hmanga thuziak an rawn thawnna tur che in mail form hi i dah thei a ni. Wml/Xhtml: Hemi hi Code chi hrang hrang-Java, html, xhtml, Css, Wml etc, chhut luhna hmun a ni a, pictures, links, text etc, code hmangi i site-ah i tarlang thei a ni. Code chi hrang hrang te chu hetah hian i hmu thei ang. Ex-loader: Wapka ti hlu tu leh Free Web Hosting zinga a danglamna em em pakhat chu Ex-loader hi a ni a. Midang site-a an thuziak te, Milem te download link leh thildang, an file dah ho zawng zawng te kha i site-ah i copy vek thei a ni. Hemi hian kan site-a free memory kha a save phah em em a ni. A siam dan hi a kip a kawi chuan kan sawi vek seng lovanga, hriat belh duh i neih chuan shoutbox ah hian rawn sawi la, kan in hrilh zel dawn nia. File uploader: Midangin i site-ah file(Mp3, png, jpg etc,) an rawn vawmbei (upload) ve na turin Uploader hi i dahsak thei a ni. Move items: I site-a file te kha i duh ang angin i sawn kual thei a ni. '+' leh '-' awmzia chu: '+'= hei hi i click chuan a awmna ngai atangin a chung chiah ah a tawlh chho ang '-'=Heta i click chuan a hnuailam chiah ah a tawlh thla thung ang. Ahnuaiah khan 'Activate multiple moving of items' a awm bawk a, hemi hi chu vawi 1 a file tam tak sawn nan a hman a ni a; i mark ho zawng kha site ID ngaiah emaw phek dang(Site ID hran) ah i sawn thei a ni. Delete items: Hei hi chu hriat loh tur a awm awm love. I file dah luh tawh te kha i delete duh chuan hetah hian i lut dawn nia. Edit items: I file save that tawh te siam that leh na(edit-na) hmun a ni. Copy items: I file te kha a phek ngaiah emaw phek dangah i la chhawng(copy) thei a. I copy duh ho zawng kha mark la, a hnuaia ID chhut luhna turah khan i copy-na tur Id i dah lut dawn nia. Tumkhatah item 5 chiah i copy thei a ni. Change title: Wapka-a i site-ah khan phek tinah a a thupui(heading) i dah thei a. Title name a i dah ang ang kha a title tur chu a ni. Title name-ah khan '0' a awmsa a, zero(0) i dah khan i page siama a hming i dah ang apiang kha title name-ah automatic-in a insiam nghal zel a ni. - Duhtawk rih mai ang...